19.09c
Երեվան
կրկ, օգս 16
Գլխաւոր դատախազութիւնը 14 յուլիսին յայտնած է, որ ՀՀ երկրորդ նախագահ Ռոպերթ Քոչարեանի եւ անոր փոխկապակցուած եօթ անձի գոյքերու նկատմամբ, Դատախազութեան դիմումի հիման վրայ, կիրառուած է հայցի նախնական ապահովման միջոց:
Հաղորդագրութեան մէջ ըսուած է.
«Գլխաւոր դատախազութեան ապօրինի ծագում ունեցող գոյքի բռնագանձման գործերով վարչութեան դիմումի հիման վրայ՝ Հակակոռուպցիոն դատարանի 2023 թուականի յուլիսի 13-ի որոշմամբ, հայցի նախնական ապահովման միջոցներ են կիրառուել ՀՀ երկրորդ նախագահ Ռոբերտ Քոչարեանի եւ նրան փոխկապակցուած եօթ անձի (ընտանիքի անդամներ՝ կին, զաւակներ, նրանց ամուսիններ) գոյքերի նկատմամբ:
Ուսումնասիրութեան նախնական արդիւնքներով ապօրինի են դիտուել եւ ենթակայ են բռնագանձման՝
• 20 միաւոր անշարժ գոյք՝ առաւելապէս Երեւան քաղաքի Կեդրոն վարչական շրջանում գտնուող շէնքերում.
• 2 տրանսպորտային միջոց.
• Մասնակցութիւն՝ հայաստանեան եւ արտասահմանեան 18 իրաւաբանական անձերում.
• Աւելի քան 1.5 միլիոն ԱՄՆ դոլարի աւանդներ եւ արժեթղթեր.
• Շուրջ 10 միլիառ դրամի ֆիզիկական եւ իրաւաբանական անձանց տրամադրուած փոխառութիւններ.
• Շուրջ 22 միլիառ դրամ, որն իրենից ներկայացնում է ապօրինի ծագում ունեցող դրամական միջոցների մնացորդի, բարեխիղճ երրորդ անձանց փոխանցուած միջոցների եւ այլ ծախսուած միջոցների հանրագումար, որը չի նոյնականացուել»:
