-8.91c
Երեվան
հնգ, հնվ 22
Օրերս կազմակերպութեամբ Լիբանանի Օգնութեան Խաչի (ԼՕԽ) «Աղթամար» մասնաճիւղին տեղի ունեցած է երախտիքի հաւաք ուղղուած հայկական գիւղին մէջ ծառայող բժիշկներուն։
Ստորեւ «Արեւելք»ի ընթերցողներուն կը ներկայացնենք հաւաքին մասին հրապարակուած լուրը՝
ԼՕԽ-ի «Աղթամար» մասնաճիւղի վարչութիւնն ու դարմանատան յանձնախումբը, Կաղանդի նախօրեակին ուրախացուցին բոլոր այն բժիշկները որոնք օգտակար կը հանդիսանան մեր հայրենակիցներուն, դարմանատան ընձեռած ծառայութիւններուն ընդմէջէն։
Արդ` ընկերուհիները իրենց ճարտար
ձեռքերով, պատրաստեցին չիրեր, ապա գեղեցիկ յարդարանքով զանոնք նուիրեցին բժիշկներուն, այցելելով անոնց դարմանատուներն ու բնակարանները։ Առիթ եղաւ նաև Այնճարցիներուն անունով երախտագիտութիւն յայտնելու անոնց` իրենց կատարած օժանդակութիւններուն համար։
Բժիշկները իրենց կարգին կատարեցին բարեմաղթութիւններ և դրուատեցին միութեանս գործունէութիւը եւ իրենց հանդէպ կատարուած յարգանքը։
