20.09c
Երեվան
հնգ, սպտ 03
Աշխարհի 500 ամենահարուստ մարդիկ 2022 թուականի առաջին կիսամեակին կորսնցուցած են 1,4 թրիլիոն տոլար, սա միլիառատէրերու ունեցուածքի ամենամեծ անկումն է:
Tesla-ի սեփականատէր Իլոն Մասքի կարողութիւնը նուազած է գրեթէ 62 միլիառ տոլարով, Amazon-ի հիմնադիր Ճեֆ Պեզոսը կորսնցուցած է 63 միլիառ տոլար, իսկ Meta-ի ղեկավար Մարք Ցուքերպերկի կարողութիւնը կրկնակի կրճատուած է:
Բայց չնայած հարստութեան նուազման, աշխարհի ամենահարուստ մարդիկ կը պահպանեն իրենց դիրքերը վարկանշային աղիւսակին մէջ: Մասքը տակաւին ունի ամենամեծ կարողութիւնը` 208,5 միլիառ տոլար, Պեզոսը երկրորդն է` 129,6 միլիառ տոլար, երրորդ տեղը` Ֆրանսայի ամենահարուստ մարդը եւ LVMH խմբի նախագահ Պեռնար Առնօն` 128,7 միլիառ տոլար կարողութեամբ:
Անոր կը յաջորդէ Microsoft-ի հիմնադիր Պիլ Կէյթսը 114,8 միլիառ տոլար կարողութեամբ:
