12.09c
Երեվան
շբթ, մյս 16
Ամերիկեան Սենթ Լուիս քաղաքին մէջ աւարտած է արագ ճատրակի Champions Showdown մրցաշարը, որու 10 մասնակիցներու շարքին էր նաեւ դեռ Հայաստանը ներկայացնող Լեւոն Արոնեանը:
Աւարտական 3 մրցախաղերուն Արոնեանը 1,5 միաւոր վաստակած է: Ան նախ յաղթած է Շահրիեար Մամետեարովին, ապա ոչ-ոքի խաղցած է Սեմ Շենքլենտի հետ եւ վերջին խաղին պարտուած է Լեյնիեր Տոմինկեսին:
Տոմինկեսն ալ 6 միաւորով դարձած է մրցաշարի յաղթող եւ ստացած է 37 500 տոլար պարգեւավճարը: 5,5-ական միաւորով յաջորդ տեղերը զբաղցուցած են Ուեսլի Սոն, Մաքսիմ Վաշիէ-Լակրաւը եւ Սեմ Շենքլենտը, որոնք պարգեւատրուած են 20 հազարական տոլարով: Արոնեանը մրցաշարին վաստակած 4 միաւորով զբաղցուցած է 7-րդ տեղն ու արժանացած է 7500 տոլար պարգեւավճարի:
