27.09c
Երեվան
ուրբ, ապր 19
Անվտանգութեան Խորհուրդի քարտուղար Արմէն Գրիգորեան Ուաշինկթըն աշխատանքային այցի շրջածիրէն ներս հանդիպած է ամերիկացի ներկայ եւ նախկին պաշտօնեաներու, դեսպաններու, Քառնեկի հիմնադրամի եւ այլ վերլուծական կեդրոններու անդամներու հետ:
Հանդիպման Գրիգորեանը ներկայացուցած է Ատրպէյճանի կողմէ Հայաստանի ինքնիշխան տարածքի նկատմամբ ձեռնարկած լայնածաւալ յարձակումը եւ ատոր հետեւանքները՝ մատնանշելով, որ նման քայլով Պաքուն ներխուժած է ՀՀ ինքնիշխան տարածք եւ կը սպառնայ հայաստանեան ժողովրդավարութեան: Անվտանգութեան Խորհուրդի քարտուղարն ընդգծած է Երեւանի հաստատակամութիւնը ժողովրդավարութեան ուղիով ընթանալու հարցով:
Գրիգորեան նաեւ անդրադարձած է Ատրպէյճանի կողմէ միջազգային մարդասիրական իրաւունքի կոպիտ խախտումներուն եւ քաղաքացիական բնակչութեան ու ենթակառուցուածքներու թիրախաւորման փաստերուն:
Հանդիպման քննարկուած է հայ-ամերիկեան համագործակցութեան երկկողմ հետաքրքրութիւն ներկայացնող հարցերու լայն շրջանակ, ինչպիսին է՝ ժողովրդավարութիւնը եւ տնտեսական համագործակցութիւնը:
