5.09c
Երեվան
ուրբ, նմբ 22
Արցախեան 44-օրեայ պատերազմին անհետ կորսուած զինծառայողներու ծնողներն ու հարազատները դժգոհ են պետական կառոյցներու աշխատանքներէն։ Անոնք կառավարութեան գլխաւոր մասնաշէնքի մերձակայ տարածքին մէջ բողոքի արշաւ ըրած են։
«Յոյս ունեմ, որ տղաս գերի է։ Նա տանկիստ էր, խոցուել է, ու մինչ այսօր տեղեկութիւն չունեմ նրանից։ Քննչական կոմիտէին որոշակի փաստեր եմ տուել, սակայն մինչ այսօր նրանցից պատասխան չունեմ այդ մասով։ Շատ կարեւոր է կոմիտէի ճիշդ աշխատանքը։ Գերիների եւ անհետ կորածների յանձնաժողով էլ ստեղծուեց անցած տարուայ նոյեմբերից, բայց որեւէ քայլ չի արուել, մեր հարցերի պատասխանները չեն տուել»,– նշած է անհետ կորսուածներէն Վոլոտիա Յարութիւնեանի հայրը` Յարութիւն Յարութիւնեանը։
Ան ընդգծած է, որ կ'ուզեն պարզել՝ արդեօք զոհուածներու ԴՆԹ–ները (DNA) ճիշդ եղած են, թէ ոչ։
Ծնողները այնուհետեւ շարժած են դէպի Ազգային ժողովի շէնքի մօտ, այնտեղ իրենց բողոքի ձայնը բարձրացնելու եւ հասկնալու, թէ ստեղծուած յանձնաժողովը ինչ աշխատանք ըրած է եւ կ'ընէ։
Ծնողները կ'ուզէին նաեւ հանդիպիլ Ազգային Ժողովի Պաշտպանութեան եւ անվտանգութեան հարցերու մշտական յանձնաժողովի նախագահ Անդրանիկ Քոչարեանի հետ, սակայն անոնց ընդունած է Ազգային Ժողովի նախագահ Ալեն Սիմոնեանը, որ, ըստ ծնողներուն, ըսած է, թէ ինք իրաւասութիւն չունի տղաներու հարցերող զբաղելու:
