Հրատապ լուրեր:

ԱՄՆ քոնկրէսականը դատապարտած է Ատրպէյճանի յարձակողական գործողութիւնները Արցախի ժողովուրդի դէմ

ԱՄՆ քոնկրէսականը դատապարտած է Ատրպէյճանի յարձակողական գործողութիւնները Արցախի ժողովուրդի դէմ

ԱՄՆ Քոնկրէսի Ներկայացուցիչներու պալատի անդամ Լինտա Սանչեզ յայտարարութիւն տարածած է՝ դատապարտելով Ատրպէյճանի յարձակողական գործողութիւնները Արցախի ժողովուրդի դէմ:

«Մտահոգուած եմ այն հաղորդագրութիւններով, որ Ատրպէյճանը խախտած է հրադադարը եւ ձեռնարկած է չհրահրուած յարձակում Արցախի ժողովուրդի դէմ։

Ես վճռականօրէն կը դատապարտեմ Ատրպէյճանի յարձակումը եւ կը միանամ միջազգային հանրութեան՝ կոչ ընելով անյապաղ դադրեցնելու ռազմական գործողութիւնները տարածաշրջանին մէջ»,- «Թուիթըր»-ի իր էջին  գրած է Լինտա Սանչեզ:

Աւելի վաղ նմանատիպ յայտարարութիւններ ըրած էին Միացեալ Նահանգներու Քոնկրէսի Ներկայացուցիչներու պալատի հետախուզութեան հարցերով յանձնաժողովի նախագահ Ատամ Շիֆը ու ԱՄՆ-ի Սենատի միջազգային յարաբերութիւններու յանձնաժողովի անդամ Ռոպըրթ Մենենտեսը։