28.8c
Երեվան
երկ, հլս 27
Իսրայէլի վարչապետ Բենիամին Նաթանիահու իր կառավարութեան նախարարներուն տեղեկացուցած է, որ Միացեալ Նահանգները կը պնդէ, որ իսրայէլեան զօրքերը դուրս բերուին Կազայի հատուածէն, Լիբանանէն եւ Սուրիայէն։ Այս մասին հաղորդած է 13-րդ ալիքը՝ վկայակոչելով աղբիւր մը։
Լրատուամիջոցին համաձայն՝ Ուաշինկթըն հետաքրքրուած է, որ Իսրայէլի պաշտպանութեան բանակը երեք ճակատներու վրայ իրականացնէ «զօրքերու դուրսբերում», սակայն չէ յստակացուցած, թէ խօսքը մասնակի՞, թէ՞ ամբողջական դուրսբերման մասին է։
Հեռուստակայանի հաղորդմամբ՝ Նաթանիահու յայտարարած է, որ «պիտի դիմադրէ» ամերիկեան վարչակազմի այս պահանջին։ «Ես անոնց պիտի ըսեմ՝ ո՛չ», ըսած է վարչապետը։
Յուլիս 26-ին Իսրայէլի կառավարութեան ամէնշաբաթեայ նիստին Նաթանիահու յայտնած է, որ Երկուշաբթի օր պիտի մեկնի Միացեալ Նահանգներ՝ հանդիպելու Միացեալ Նահանգներու նախագահ Տանըլտ Թրամփի հետ եւ մասնակցելու ծերակուտական Լինտսի Կրեհըմի յուղարկաւորութեան։
