«Ալ Աքսա»ի դէմ ոտնձգութիւնները հատած են «կարմիր գիծերը». «Ալ Մայատին»

«Ալ Աքսա»ի դէմ ոտնձգութիւնները հատած են «կարմիր գիծերը». «Ալ Մայատին»

«Ալ Աքսա» մզկիթը իր տարածութեամբ, իր բակերով, միջանցքներով եւ աղօթատեղիներով, զուտ իսլամական մզկիթ է, որ կը պատկանի միայն իսլամներուն եւ չ'ընդունիր կիսումը կամ գործընկերութիւնը», շարունակելով. «Ոչ-իսլամներու պնդումը, թէ «Ալ Աքսա» մզկիթը իրենց ժառանգութեան մէկ մասն է, զրպարտութիւն է, նպատակ ունենալով ներխուժել զայն եւ խաթարել երկար ժամանակ այդտեղ գոյութիւն ունեցող պատմական, կրօնական եւ իրաւական իրավիճակը»:

 

Բռնագրաւեալ Երուսաղէմի մէջ իսլամական հարցերու եւ սրբավայրերու խորհուրդը զգուշացուցած է, որ ծայրայեղական հրէական խմբաւորումներու կողմէ «Ալ Աքսա» մզկիթի թիրախաւորումը հասած է վտանգաւոր աստիճանի։

Յայտարարութեան մէջ խորհուրդը խօսած է, այսպէս կոչուած, Քնեսեթի Կրթութեան կոմիտէին կողմէ ընդունուած որոշման մասին, որ կը պարտաւորեցնէ Իսրայէլի Կրթութեան նախարարութեան յարակից դպրոցները՝ «Ալ Աքսա» մզկիթը ներառել հրեայ ուսանողներու համար նախատեսուած ուսումնական շրջագայութիւններուն մէջ:

Յայտարարութիւնը կը բացատրէ, որ «որոշման նպատակն է մեծցնել հրեայ ներխուժողներու թիւը «Ալ Աքսա» մզկիթ եւ ենթադրեալ տաճարի գաղափարը ամրապնդել անոնց մտքին մէջ»:

Խորհուրդը յաւելեց, որ ««Ալ Աքսա» մզկիթը իր տարածութեամբ, իր բակերով, միջանցքներով եւ աղօթատեղիներով, զուտ իսլամական մզկիթ է, որ կը պատկանի միայն իսլամներուն եւ չ'ընդունիր կիսումը կամ գործընկերութիւնը», շարունակելով. «Ոչ-իսլամներու պնդումը, թէ «Ալ Աքսա» մզկիթը իրենց ժառանգութեան մէկ մասն է, զրպարտութիւն է, նպատակ ունենալով ներխուժել զայն եւ խաթարել երկար ժամանակ այդտեղ գոյութիւն ունեցող պատմական, կրօնական եւ իրաւական իրավիճակը»:

Խորհուրդը նաեւ կոչ ըրած է «արաբ եւ իսլամական ազգերուն՝ դատապարտելու այդ յանցագործութիւնները, որդեգրելու «Ալ-Աքսա» մզկիթի հարցը եւ զայն դարձնելու գլխաւոր առաջնահերթութիւն, քանի որ այդ ազգի խնդիր է, այլ ոչ թէ՝ ժողովուրդի»:

Իսրայէլի ՔնեսեթիԿկրթութեան կոմիտէն որոշած է պարտաւորեցնել Իսրայէլի Կրթութեան նախարարութեան յարակից դպրոցներուն՝ ներառել «Ալ Աքսա»ն հրեայ ուսանողներու համար նախատեսուած ուսումնական շրջագայութիւններուն մէջ, զայն համարելով «Տաճարի լեռը»:

2003 թուականէն ի վեր Իսրայէլի ոստիկանութիւնը սկսաւ արտօնել «Ալ Աքսա» մզկիթ ներխուժումը, հակառակ Երուսաղէմի Իսլամական սրբավայրերու վարչութեան կողմէ շարունակական դատապարտման:

Ներխուժումները սովորաբար տեղի կ'ունենան երկու ժամանակներու՝ առաւօտեան եւ կէսօրուայ աղօթքէն յետոյ, մզկիթի արեւմտեան պատի Մաղարէպեան դարպասով, Իսրայէլի ոստիկանութեան հեշտացնող միջոցներով եւ ուղեկցութեամբ։