14.09c
Երեվան
շբթ, ապր 20
«Եշ Աթիտ» կուսակցության առաջնորդ Եաիր Լափիտ այսօր՝ Յուլիս 1-ին, դարձած է Իսրայէլի կառավարության ղեկավար։
Կը նշուի, որ ան պիտի գլխաւորէ ժամանակաւոր կառավարութիւնը Նոյեմբեր 1-ին կայանալիք համապետական ընտրութիւններու նախաշեմին:
«Մենք պիտի ընենք մեր ուժերէն կախուած ամէն ինչ` հզօր եւ բարգաւաճող հրէական ժողովրդավարական պետութեան համար, քանի որ սա մեր գործն է եւ ամենակարեւորը», ըսած է Լափիտ պաշտօնաթող վարչապետ Նաֆթալի Պենեթի լիազօրութիւններու փոխանցման արարողութեան ժամանակ:
Ան նաեւ ընդգծած է, որ երկիրը պէտք է վերադառնայ «իսրայէլեան միասնութեան հայեցակարգին»:
«Նոյնիսկ եթէ մենք երթանք ընտրութիւններու մի քանի ամիսէն, մեր առջեւ ծառացած մարտահրաւէրները պիտի չսպասեն: Մենք պէտք է լուծենք կեանքի աճող ծախսերու խնդիրը, արշաւ տանինք Իրանի, Համաս-ի եւ Հեըզպալլայի դէմ եւ դիմակայենք այն ուժերուն, որոնք կը սպառնան Իսրայէլը վերածել ոչ- ժողովրդավարական երկրի», ըսած է Լափիտ:
Հրատարակութիւնը յիշեցուցած է, որ Լափիտ նախկին հեռուստահաղորդավար է: Ան քաղաքականութիւն մտած է ընդամէնը տասը տարի առաջ:
