17.09c
Երեվան
հնգ, հկտ 01
Պաղտատ- («Ալ-Ժատիտ»-Պէյրութ)- 7-րդ Տարին ըլլալով, անընդմէջ, ամերիկեան Մէրսըր ընկերութեան կայացուցած կեանքի լաւագոյն որակ ապահովող երկիրներու դասակարգումին Աւստրիոյ մայրաքաղաք Վիէննան կը գլխաւորէ առաջին դիրքը: Մինչ վերջին տեղը զբաղեցուցած է Իրաքի մայրաքաղաք Պաղտատը: Այս մասին լուրը կը փոխանցէ «Ալ-Ժատիտ»ը նշելով, որ դասակարգման չափանիշը պայմանաւորուած է երկրի անվտանգութեան եւ քաղաքական կայունութեամբ:Ընդհանուր առմամբ Արեւմտեան Եւրոպայի քաղաքները զբաղեցուցած են կարեւորագոյն դիրքեր: Այդ քաղաքներն են՝ Միինէխը , Տիւսըլտորֆը, Ֆրանքֆորթը , Ժընեւը եւ Քոփէնհակընը:Այս քաղաքներուն մէջ նաեւ կը գերիշխեն անձնական անվտանգութեան ապահովութիւնը, ուր Լիւքսըմպրկը առաջին տեղ կը գրաւէ, իսկ Պեռնը, Հելսինքին եւ Ցիւրիխը հաւասարապէս գրաւած են երկրորդ տեղ:Վերջին տարիներուն, շատ մը մեծ քաղաքներ անձնական ապահովութեան դասակարգման մէջ նահանջ արձանագրած են, ինչպէս օրինակ, Փարիզը , Լոնտոնը եւ Աթէնքը, այնտեղ կատարուած ահաբեկչական յարձակումներու եւ ընկերային անապահովութեան պատճառով, - ինչպէս կը նշուի ուսումնասիրութեան մէջ:Իսկ Միջին Արեւելքի մէջ, Պաղտատ 230 քաղաք ներառնող համաշխարհային դասակարգման մէջ կը զբաղեցնէ վերջին դիրքը, իսկ նախավերջի դիրքը գրաւած է Դամասկոսը, նկատի ունենալով որ այնտեղ տիրող շարունակական բռնութիւններն ու ահաբեկչական յարձակումները կը ծանրաբեռնեն մարդոց՝ քաղաքացիներու եւ օտարներու առօրեայ կեանքը:
