15.09c
Երեվան
հնգ, հկտ 01
Հալէպ- («Ալ-Ժատիտ»- Պէյրութ)- Սուրիոյ մարդու իրաւունքներու դիտորդ կայքին համաձայն, ծայրայեղական խմբակցութիւնները կրցած են կտրել ռազմավարական այն ճանապարհը, որ Հալէպի տարածքները կը կապէ բանակի հսկողութեան տակ գտնուող մնացեալ Սուրիոյ նահանգներուն: Այս մասին կը հաղորդէ «Ալ-Ժատիտ» նշելով, որ «Թուրքիստանի Իսլամական կուսակցութեան», «Ալ-քուտս»ի զինեալներ կազմակերպութեան եւ կովկասցի գրոհայինները կրցած են երկուշաբթի կէսգիշերէն ետք փակել Հալէպի Խանասէրի ճանապարհը, իրենց վերահսկողութեան տակ առնելէ ետք ճանապարհին վրայ գտնուող Ռասմ ալ-նէֆըլ գիւղը, Խանասէրի արեւմտեան շրջանի վրայ գործած յարձակումի հետեւանքով: Նշենք, որ Հալէպ- Խանասէր ճանապարհը կը գտնուի Հալէպի հարաւ-արեւելեան արուարձանի շրջանը, որ կը հանդիսանայ միակ ճանապարհը, որ թոյլ կու տայ Հալէպի արեւմտեան շրջանները գտնուող սուրիական ուժերուն այդ ճանապարհով երկրի կեդրոնէն հասնիլ Հալէպ: Այս զարգացումները կ'արձանագրուին այն ժամանակ, երբ Սուրիոյ ազգային բանակի ուժերը կը շարունակեն շրջափակման տակ պահել քաղաքի գրեթէ բոլոր արեւելեան շրջաններու թաղամասերը, որ կը գտնուին ընդդիմութեան զինեալներու հսկողութեան տակ:
