15.65c
Երեվան
կրկ, ապր 19
Արաբական մամուլը գրում է 73-ամյա հայ դերասանուհի, իրաքյան թատրոնի «միանձնուհի» համարվող Ազատուհի Սամվել Լաչինյանի մասին, նշելով, որ իրաքյան թատրոնի ամենահայտնի անուններից մեկը, որ տասնամյակներ շարունակ ուրախություն է պատճառել բազմահազար հանդիսատեսների, այսօր անկողնային հիվանդ է եւ օգնության կարիք ունի:
Ազատուհի Սամվել Լաչինյանը համարվում է Իրաքում առաջին կին-ուսանողը, որ ընդունվել եւ ավարտել է Իրաքի Գեղարվեստական ինստիտուտի թատերական բաժինը:
Թերթն առանձնացրել է իրաքյան թատրոնի հայտնի բեմադրությունները, որոնցում գլխավոր դերեր է ստանձել իրաքահայ դերասանուհին` «Փոթորիկը», «Արմավենին եւ հարեւանները», «Մեռելների հեղափոխությունը»: Արաբական մամուլը միաժամանակ նշում է, որ Ազատուհի Սամվել Լաչինյանը համարվել է «թատրոնի սուրբ». վերջին անգամ նա իրաքյան բեմում երեւացել է 2006 թվականին` իրաքցի բեմադրիչ Քազեմ Նասսարի «Պատերազմի կանայք» թատերգության մեջ:
Աղբյուրը նկարագրում է հայ դերասանուհու միայնությունը` իրաքյան պատերազմի պատճառով երկրից հեռացած հազարավոր հայերի ֆոնին, նշելով, որ հատուկենտ մարդիկ են այսօր հիշում Իրաքում մնացած հիվանդ դերասանուհու գոյությունը:
