15.09c
Երեվան
երք, սպտ 29
Սուրիա- («Տէյլի Սապահ»- Պոլիս)- ՄԱԿ-ի փախստականներու գծով գերագոյն յանձակատարը յայտարարած է, որ շուրջ 120,000 մարդ, որոնք փախած են Սուրիոյ մէջ տիրող պատերազմէն կը գտնուին Յորդանանի սահմանին, եւ կոչ ուղղած է իշխանութիւններուն արտօնել անոնց մուտքը այս մասին կը տեղեկացնէ «Տէյլի Սապահ»ը: Աղբիւրը կը նշէ նաեւ, որ ՄԱԿ-ի փախստականներու յանձնակումբը (UNHCR) զգուշացնելով մարդասիրական պայմաններու վատթարացումէն,դէմած է Ամմանի կառավարութեան, որ մուտքի արտօնութեան մէջ առաջնահերթութիւն տրուի ամէնէն անկեալ պարագաներուն՝ տարեցներուն, վեց ամսականէն վար երեխաներուն եւ յղի կանանց:
Աղբիւրը նաեւ կը տեղեկացնէ, որ փախստականները գտնուաած են անապատային եւ քարքարոտ, ջուրէ, հովանիէ եւ բուսականութենէ զուրկ վայրի մը մէջ, որու հետեւանքով առողջապահական վիճակը երթալով անկում կ'ապրի արձանագրելով ծանր վիճակներ:
Իր հերթին Human Rights Watch նշած է, որ բաւարար միջոցներ չկան բաւարարելու սահմանին վրայ օրէ օր թիւով աճող մարդկանց կարիքները, եւ եթէ Յորդանան չարտօնէր անոնց անցնիլը , նախատեսուած է, որ մինչեւ տարեվերջ սահմանին գտնուող մարդոց թիւը հասնի 20,000-ի:
Աղբիւրէն կ'իմանանք, որ մինչ այդ Յորդանան արդէն ընդունած է 630,000 փախստականներ, ինչը ենթակառուցուածքներու, տնտեսական, ինչպէս նաեւ ապահովագրական ծանր վիճակի մը մատնած է երկիրը:
