27.98c
Երեվան
ուրբ, հլս 03
Ընդդիմադիր ուժերը երէկ Ֆրանսայի հրապարակին մէջ հրաւիրած հանրահաւաքէն յետոյ յայտարարեցին, որ պիտի փակեն հրապարակը ու գիշերեն այնտեղ, իսկ այսօր առաւօտուընէ խաղաղ անհնազանդութեան շարժումներ պիտի սկսին Երեւանի մէջ:
Նշուած է, որ շարժումներու մասնակիցները պիտի փակեն ճանապարհներ, մայրուղիներ, փակ պիտի ըլլան յատկապէս Կեդտրոնի փողոցները:
Ընդդիմութեան առաջնորդներէն Իշխան Սաղաթէլեանը կոչ ըրաւ գործադուլ ու դասադուլ սկսելու:
Ընդդիմութեան ներկայացուցիչները վրաններ տեղադրած են Ֆրանսայի հրապարակին մէջ, որոշ հատուածներու մէջ խարոյկներ վառած եւ գիշերած են այնտեղ:
Առաւօտեան Սաղաթէլեան յայտարարած է, որ Երեւանի մէջ փակուած է 14 փողոց: «Այսօր մայրաքաղաքի տարբեր հատուածներում դադարեցնելու ենք երթեւեկութիւնը, մեր հայրենկիցներին կոչ եմ անում` դուրս եկէք փողոց, որպէսզի հեռացնենք այս իշխանութեանը, շտկենք մեր մէջքը, ձեզնից իւրաքանչիւրը կարող է իրականացնել իր բողոքի ակցիան: Մի քանի հոգով դուրս եկէք եւ փակէք ճանապարհը», ըսաւ Իշխան Սաղաթելեանը:
