15.82c
Երեվան
հնգ, հնս 11
Ուքրանիոյ անդամակցութիւնը Հիւսիսաթլանթեան դաշինքին (ՆԱԹՕ) վտանգ կը ստեղծէ Ռուսիոյ անվտանգութեան համար, յատուկ ռազմական գործողութեան մեկնարկի պատճառներէն մէկը Ուքրանիոյ՝ ՆԱԹՕ մտնելու սպառնալիքն է։ Այս մասին «Ռոսիա-24» հեռուստաալիքի եթերին յայտարարած է Ռուսիոյ նախագահ Վլատիմիր Փութինը։
«Ինչ կը վերաբերի ՆԱԹՕ-ին Ուքրանիոյ անդամակցութեան, ապա մենք բազմիցս ըսած ենք, որ այդ ակնյայտօրէն վտանգ կը ներկայացնէ Ռուսիոյ անվտանգութեան համար»,-ըսած է ան:
«Եւ, փաստօրէն, յատուկ ռազմական գործողութեան պատճառներէն մէկը Ուքրանիոյ՝ ՆԱԹՕ-ին անդամակցելու սպառնալիքն է»,-ըսած է Վլատիմիր Փութին։
«Վստահ եմ, որ այդ (ՆԱԹՕ-ին անդամակցիլը – խմբ.) չի բարձրացներ բուն Ուքրանիոյ անվտանգութիւնը, եւ ընդհանրապէս աշխարհը շատ աւելի խոցելի կը դարձնէ եւ յանգեցնէ լրացուցիչ լարուածութեան միջազգային ասպարէզին մէջ»,- աւելցուցած է նախագահը։
