0.09c
Երեվան
երկ, դկտ 23
Թուրքիա- Հրանդ Տինքի այրին ՝ Ռաքէլ Տինք եւ անոր զաւակները ՝ Արատ եւ Տէլալ օրերս Տիարպէքիր այցելելով յարգած են վերջերս սպաննուած քիւրտ մարդկային իրաւանց պաշտպան Թահիր Էլչիի յիշատակը: Այս մասին տեղեկութիւնը տրուած է «Ակօս» պարբերական հայկական յաւելուածը: Աղբիւրը նաեւ կը նշէ, որ Տինք ընտանիքի անդամները այցելելէ ետք Թահիր Էլչիի հողաշիրիմ հանդիպած են նաեւ Էլչիի այրիին ՝ Թիւրքան Էլչիին: Ռաքէլ Տինք այս առթիւ կարճ խօսք մը արտասանելով ըսած է, որ շատ ծանր է ապրիլ երկրի մը մէջ, ուր Հրանդ Տինքի եւ Թահիր Էլչիի նման արժէքաւոր անձնաւորութիւններ կը սպաննուին: Նշենք, որ Տինք ընտանիքի պատուիրակութիւնը նոյնպէս հանդինպում ունեցած է քաղաքի փատստաբաններու կաճառի փոխ նախագահ Ահմատ Էզմանին հետ: Յշեցնենք, որ քիւրտ իրաւապաշտպան՝ Թահիր Էլչի, որ նաեւ Տիարպէքիրի փաստաբաններու կաճառի նախագահն էր բազում անգամներ մահուան սպառնալիքներ ստացած եւ այդ մասին խօսած տարբեր պատկերասփիւռի կայաններու իր տուած հարցազրոյցներուն ընթացքին: Թուրքիոյ արդի շրջանի պատմութեան մէջ Թահէր Էլչիի սպաննութիւնը կու գայ սեւ օղակ մը եւս աւելցնել երկրի քաղաքական ընդհանուր գործընթացներուն վրայ:
