10.09c
Երեվան
շբթ, ապր 05
Միացեալ Նահանգներու նախագահ Տանըլտ Թրամփ անհամբերութեամբ կը սպասէ Ատրպէյճանի եւ Հայաստանի միջեւ խաղաղութեան համաձայնագրի ստորագրման եւ վաւերացման:
Ինչպէս հաղորդած են ատրպէյճանական լրատուամիջոցները, այս մասին յայտարարած է Միացեալ Նահանգներու արտաքին գործոց նախարարութեան ուժանիւթային միջոցներու բիւրոյի աւագ խորհրդական Էրիք Ճէյքըպսը, Հարաւային կազային միջանցքի խորհրդատուական խորհուրդի 11-րդ եւ Կանաչ ուժանիւթի խորհրդատուական խորհուրդի 3-րդ նախարարներու հանդիպման ժամանակ՝ Պաքուի մէջ:
«Կը շնորհաւորեմ Ձեզ Հայաստանի հետ խաղաղութեան պայմանագրի բնագրի աւարտի կապակցութեամբ: Նախագահ Թրամփն անհամբերութեամբ կը սպասէ ատոր ստորագրման եւ վաւերացման, քանի որ կայունութիւնն ու խաղաղութիւնը պիտի ապահովեն տարածաշրջանի տնտեսական զարգացումը»,-ըսած է ան։
Ճէյքըպս նշած է, որ կայուն խաղաղութիւնը վերջ պիտի դնէ տարածաշրջանային հակամարտութիւններու շրջանին եւ անվտանգութիւն ու բարգաւաճում պիտի բերէ Հարաւային Կովկասին: «Մենք բարձր կը գնահատենք այս համարձակ քայլը խաղաղութեան եւ բարգաւաճման ճանապարհին»,-աւելցուցած է ան:
