-4.91c
Երեվան
ուրբ, փտր 21
Մոսկուան եւ Թեհրանը համաձայնութեան եկած են Ատրպէյճանի տարածքով Ռուսիայէն Իրան կազատարի կառուցման շուրջ՝ Վլատիմիր Փութինի եւ Մասուտ Փեզեշքիանի հանդիպումէն յետոյ յայտնած է Ռուսիոյ ուժանիւթի նախարարը:
Սերգէյ Ցիվիլեւի խօսքով՝ այժմ մատակարարումներու գինի հետ կապուած բանակցութիւններ կը տարուին: Ան տեղեկացուցած է, որ երկիրներու միջեւ կը քննարկուին նաեւ կազի արդիւնահանման համատեղ նախագիծեր:
Ռուսիոյ եւ Իրանի նախագահները Քրեմլինի մէջ կայացած բանակցութիւններէն յետոյ համապարփակ ռազմավարական գործընկերութեան մասին համաձայնագիր ստորագրած են: Փաստաթուղթը կը ներառէ գրեթէ բոլոր ոլորտները՝ պաշտպանութիւնը, ահաբեկչութեան դէմ պայքարը, ուժանիւթը, ֆինանսները, երթեւեկը, արդիւնաբերութիւնը, գիւղատնտեսութիւնը, մշակոյթը, գիտութիւնը, ճարտարագիտութիւնը եւ այլն:
