20.09c
Երեվան
երք, հլս 09
Օրերս Իրաքեան-Քիւրտիստանի Իրպիլ քաղաքին մէջ նշուած է Սուրբ Աստուածամօր Վերափոխման տօնը։
Այս առթիւ շրջան այցելած է Իրաքի Թեմի Հայոց Առաջնորդ Հոգշ. Տ. Օշական վրդ. Կիւլկիւլեան։
Այս մասին «Արեւելք» վերահասու դարձաւ Իրաքի Հայոց Առաջնորդարանի դիմատետրեան էջէն, ուր մասնաւորապէս գրուած է ՝
Ս. Աստուածամօր Վերափոխման Տօնին առիթով և նախագահութեամբ Իրաքահայ Թեմի Բարեխնամ Առաջնորդ Հոգշ. Տ. Օշական Վրդ. Կիւլկիւլեանի` Կիրակի օր, երեկոյեան ժամը 6ին, Սուրբ և Անմահ Պատարագ մատուցուեցաւ Իրպիլի Ս. Խաչ եկեղեցւոյ մէջ։
Պատարագիչն էր արժ. Տ. Արթուն քհնյ. Խալաթեանը։
Մեր Մայրենի եկեղեցւոյ հոգեզմայլ և գեղեցիկ աւանդութեան համաձայն Առաջնորդ Հայր Սուրբը կատարեց խաղողօրհնէքի արարողութիւնը, ապա յաւուր պատշաճի քարոզեց։
Պատարագէն ետք հաւատացեալները հիւրասիրուեցան Եկեղեցւոյ առընթեր գործող Տիկնանց յանձնախմբի պատրաստած խմորեղէններով և քաղցրեղէններով։
