23.28c
Երեվան
շբթ, հլս 18
Իրանի գերագոյն առաջնորդ Մոժթապա Խամենէին հանրութեան առջեւ պիտի չյայտնուի, քանի դեռ կը շարունակուի Միացեալ Նահանգներու եւ Իսրայէլի հետ ռազմական հակամարտութիւնը։
Այս մասին «ԹԱՍՍ» գործակալութեան յայտնած է իրանական աղբիւր մը։
«Նորին գերազանցութիւնը մօտ ապագային հանրութեան առջեւ պիտի չյայտնուի՝ անվտանգութեան նկատառումներէ ելլելով։ Կառավարութիւնը կը սպասէ իրավիճակի կայունացման։ Անկէ ետք ան պիտի ներկայանայ հանրութեան»,– ըսած է գործակալութեան աղբիւրը։
Աւելի վաղ հաղորդուած էր, որ ռուսական պետական լրատուական գործակալութեան նոյն աղբիւրը նաեւ նշած է, որ Իրանի նոր գերագոյն առաջնորդ Մոժթապա Խամենէիի առաջին միջազգային շփումը կրնայ ըլլալ Ռուսիոյ նախագահ Վլատիմիր Փութինի հետ հեռաձայնային զրոյց մը կամ անձնական հանդիպում մը։
