13.09c
Երեվան
երկ, ապր 27
Լեւոն Արոնեանը նախորդ շրջաններուն յաղթած է ռուսաստանցի Ալեքսանտր Կրիշչուքին, ոչ ոքի խաղացած է հոլանտացի Անիշ Կիրիի, ամերիկացի Ֆապիանօ Քարուանայի, ատրպէյճանցի Թէյմուր Ռաճապովի, չինացի Տին Լիրենի, ռուսաստանցի Տանիիլ Տուպովի, պարտուած է ատրպէյճանցի Շաքրիեար Մամետեարովին եւ ռուսաստանցիներ Եան Նեպոմնիաշչիին ու Փիոթր Սվիտլերին։
Նախնական փուլի վերջին 5 շրջաններուն Լեւոն Արոնեանի մրցակիցները պիտի ըլլան ամերիկացիներ Ուեսլի Սոն ու Հիքարու Նաքամուրան, ֆրանսացի Մաքսիմ Վաշիէ-Լակրաւը, իրանցի Ալիռեզա Ֆիրուճան եւ արժանթինցի Ալան Փիչոթը։
Նախնական փուլին առաջին 8 տեղերը գրաւած շախմատիստները պայքարը պիտի շարունակեն քառորդ եզրափակիչին։
Մրցաշարի մրցանակային հիմնադրամը 320 հազար տոլար է։ Յաղթողը պիտի նուաճէ սեպտեմբերին նախատեսուած Meltwater Champions Chess Tour-ի եզրափակիչ փուլի ուղեգիր։
