-3.91c
Երեվան
շբթ, փտր 22
Ռամկավար Ազատական կուսակցութեան Լոռիի մարզային շրջանակի գրասենեակի դիմաց (Տիգրան Մեծ 44), տեղի ունեցաւ Մեծ եղեռնի զոհերու յիշատակը յաւերժացնող փոքրիկ պուրակի բացման արարողութիւնը:
Յուշարձան-կոթողի հիմնասիւնին մէջ Արեւմտեան Հայաստանէն բերուած հող պահուած էր: Կոթողի հեղինակը ՌԱԿ-ի կեդրոնական վարչութեան անդամ, Լոռիի մարզային շրջանակի ատենապետ Սէյրան Ղարիպեանն է:
Յիշեցնենք, որ 1 նոյեմբեր, 2015-ին, Հայոց ցեղասպանութեան 100-րդ տարելիցի միջոցառումներուն, ՌԱԿ-ի 23-րդ պատգամաւորական ժողովի ժամանակ տեղադրուած էր Մեծ Եղեռնի 100-ամեակին նուիրուած յուշակոթող:
«Մտորում» յուշակոթողը կը խորհրդանշէ հայ ժողովուրդի յաղթական ճակատամարտերը, մաքառումները, մերօրեայ արցախեան պատերազմի յաղթանակներն ու հզօր հայոց բանակը: Յուշակոթողը ամբողջացնող գեղարուեստական տարրերու ձեւի եւ բովանդակութեան մէջ մեր վաղուան գերհզօր ու պայծառ ապագան է վահանը: Սուրը կը խորհրդանշէ համայն հայութեան միասնական ուժը, որուն վրայ դաջուած է տասը միլիոն հայերու համարանիշը. խորհուրդ, որ կը տեղաւորուի մէկ գաղափարի մէջ. «Ո՛վ հայ ժողովուրդ, քո միակ փրկութիւնը քո հաւաքական ուժի մէջ է»: Վահանը որպէս պաշտպանուածութեան նշան հանդէս կու գայ, որ մենք հայերս, մշտապէս պաշտպանուած ենք թշնամիէն:
Վահանի կեդրոնին նռան ճիւղն է յաւերժութեան պտուղով, իսկ կոտրած ճիւղը կը խորհրդանշէ Մեծ եղեռնի 100-ամեայ տարելիցը: Վահանի վերին մասին մեր հաւատի յոյսն է սուրբ խաչը, որ, կը խորհրդանշէ մեր քրիստոնեայ ըլլալը եւ հայու լինելիութիւնը: Հարթակի վրայ առկայ է ցեղասպանութեան 100-րդ տարելիցի խորհրդանիշ անմոռուկը, որուն փորագրուած է մեր պահանջատիրական կարգախօսը համայն աշխարհին. «Յիշում եմ եւ պահանջում»: Այն կարծես երկրագունդ մը ըլլայ շրջապատուած 12 գնդիկներով, ժամանակը ծովն է, գիտութեան նաւը ժամանակի մէջ:
Փոքրիկ պուրակին մէջ ներկայիս տեղադրուած են նստարան, ծաղկամաններ: Արարողութեան ներկա էին ՌԱԿ-ի ատենապետ, «Ազգ» թերթի գլխավոր խմբագիր Յակոբ Ավետիքեան, ՌԱԿ Կեդրոնական վարչութեան անդամ՝ Վարդան Նազիրեան: Իրենց ներկայութեամբ միջոցառումը պատուած էին Գուգարաց թեմի առաջնորդ Տ. Սեպուհ արքեպիսկոպոս Չուլճեան եւ ՀԳՄ Լոռիի բաժանմունքի ղեկավար Մանուէլ Միկոյանը: Ներկայ էին նաեւ Վանաձորի ՏԻՄ ընտրություններուն Հայաստանի հանրապետական կուսակցութըան համամասնական ցուցակը գլխավորող Մամիկոն Ասլանեանը, ցուցակին մէջ ընդգրկուած Նելլի Գիւլզադեանը, մտաւորականներ, վանաձորցիներ: Ողջոյնի խօսքով հանդէս եկան Յ. Ավետիքեանը եւ Մ. Միկոեանը :
Միջոցառումը կը վարէր դերասան, ասմունքող Իվան Անտոնեանը: Ան կարդաց Հրաչեայ Սարուխանի «Կրկնաղերս» եւ Մ. Միկոյանի «Ալիքվում է դանդաղ» բանաստեղծութիւնները:
Իրինա Սարիբեկեան
«Ազգ»/ Երեւան
