7.09c
Երեվան
կրկ, փտր 22
Պատուաստանիւթը ստեղծուած է անգործունեայ դարձած ժահրի հիման վրայ՝ իրանական Shifafarmed դեղագործական ընկերութեան կողմէ։ Պատուաստանիւթի անվտանգութեան եւ արդիւնաւէտութեան վերաբերեալ առաջին ուսումնասիրութիւնները սկսած են նախորդ տարուայ դեկտեմբերի վերջը:
Լրատուականի տեղեկութիւններով՝ պատուաստանիւթի արտակարգ օգտագործումը նպատակ ունի հանել երկիրը «Քորոնա» ժահրային վարակի ճգնաժամէն, որուն մէջ այն յայտնուած է ամերիկեան պատժամիջոցներու պատճառով, որոնց հետեւանքով պատուաստանիւթերու ներկրումը երկիր խոչընդոտուած է։
Յայտնի է, որ մինչեւ Սեպտեմբեր երկրի իշխանութիւնները մտադիր են 30 միլիոն չափաբաժին տեղական պատուաստանիւթ արտադրել։
Իրանի Իսլամական Հանրապետութեան նախագահ Հասան Ռոհանին տեղեկացուցած է, որ պատուաստանիւթերի բաւարար քանակի ապահովման պարագային Իրանի մէջ յարակից հիւանդութիւն ունեցող մարդոց պատուաստումները կ'աւարտին Յուլիսի վերջը, իսկ ամբողջ բնակչութեան պատուաստումը մինչեւ Նոյեմբերի վերջ աւարտած կ'ըլլան։
