17.09c
Երեվան
հնգ, մյս 07
Հնդկաստանի Հայտերապատ քաղաքին մէջ գործարկուած է դրամաբաշխ՝ ATM (Automated Teller Machine) սարք, որ թոյլ կու տայ ոսկի գնել վարկային կամ դեբետային փլասթիք քարտերէն՝ գումարով:
Ինչպէս գրած է The Economic Times-ը, սա աշխարհի մէջ առաջին նման դրամաբաշխ սարքն է, որ կ'աշխատի իրական ժամային ռեժիմով։
Սարքը արտադրուած է մասնաւոր հնդկական Goldsikka Pvt Ltd ընկերութեան կողմէ, որ մշակած է այս սարքի միջոցով ոսկի վաճառելու նորարարական արհեստագիտութիւն։ Դրամաբաշխ՝ ATM սարքին մէջ կը պահուի 5 քկ. 24 քարաթանոց ոսկի. այն թոյլ կու տայ զանոնք գնել ութ տարբերակով՝ 0,5 կրամէն մինչեւ 100 կրամ: Դրամաբաշխ՝ ATM սարքին կարեւոր առանձնայատկութիւնն այն է, որ անոր պաստառին ոսկիի գինը կը թարմացուի իրական ժամանակին՝ Լոնտոնի ֆոնտային սակարանին մէջ այս թանկարժէք մետաղի գնանշումներու փոփոխութեան համապատասխան:
Սարքը ունի ցանցահէններէ պաշտպանուելու յուսալի համակարգ։ Ապահովուած է ներկառուցուած տեսախցիկով, ձայնային ահազանգով եւ ունի ոստիկանութեան հետ կապի գիծ։
Goldsikka-ի ներկայացուցիչներու խօսքով՝ սարքը բոլորին կ'ընձեռէ ոսկիի մէջ ներդրումներ կատարելու հնարաւորութիւն՝ խուսափելով ֆինանսական կորուստներէ՝ առանց դրամատուն կամ ոսկերչական խանութներ այցելելու։
Գործողութեան առաջին օրը նորարարական սարքը սպասարկած է 20 յաճախորդ։
Goldsikka-ն կը նախատեսէ Հնդկաստանի մէջ տեղադրել այդ սարքէն 3000-ը եւ իր արտադրանքով դուրս գալ համաշխարհային շուկայ:
