0.09c
Երեվան
երկ, դկտ 23
Հազարաւոր թեհրանցիներ հինգշաբթի առաւօտեան դուրս եկած են փողոցներ՝ մասնակցելու Թեհրանի մէջ «Համաս»-ի քաղաքական բիւրոյի ղեկավար Իսմայիլ Հանիյէին վերջին հրաժեշտի արարողութեան, յայտնած է Mehr գործակալութիւնը:
Արարողութիւնը սկսած է առաւօտեան ժամը 8-ին Թեհրանի համալսարանին մէջ քաղաքացիներու եւ պաշտօնատար անձանց ներկայութեամբ։
Մասնակիցները Հանիյէի սպանութիւնը դատապարտած են որպէս ահաբեկչական գործողութիւն եւ յայտարարած, որ տեղի ունեցած է Իսլամական Հանրապետութեան ինքնիշխանութեան խախտում:
Անոնք կարգախօսներ վանկարկած են ընդդէմ Իսրայէլի եւ անոր դաշնակիցներու, այդ շարքին՝ Միացեալ Նահանգներու, եւ պահանջած են վճռական պատասխան տալ մեղաւորներուն:
Պաղեստինեան «Համաս» շարժումը հաստատած է, որ Թեհրանի մէջ սպանուած շարժման քաղբիւրոյի ղեկավար Իսմայիլ Հանիյէի յուղարկաւորութիւնը տեղի պիտի ունենայ օգոստոս 2-ին, Տոհայի մէջ։ Պաշտօնական յայտարարութեան տեքստը հրապարակուած է «Համաս»-ի Telegram-ի էջին։
