image

Հայկական Պաշտպանական ուժերը ձախողութեան մատնած են Ատրպէյճանի ներթափանցման փորձը

Հայկական  Պաշտպանական ուժերը   ձախողութեան մատնած են  Ատրպէյճանի    ներթափանցման փորձը

22 Սեպտեմբերին՝ ժամը 16:15-ի սահմաններուն, արցախա-ատրպէյճանական հակամարտ զօրքերու շփման գիծի հարաւ-արեւելեան հատուածին մէջ տեղակայուած մարտական դիրքերէն մէկու ուղղութեամբ հակառակորդը ձեռնարկած է  ներթափանցման փորձ:

ՊԲ դիրքապահ անձնակազմի գործողութիւններու շնորհիւ՝ հակառակորդը, չէզոք գօտիի վրայ թողելով մէկ դիակ, ետ շպրտուած է իր ելման դիրքերը: ՊԲ-ն որեւէ կորուստ չէ ունեցած:

Դէպքի մանրամասները կը ճշդուին:


Աւելցնենք նաեւ, որ ներթափանցման փորձի որոշ դրուագներ արձանագրուած են ՊԲ տեսանկարահանող սարքերու կողմէ: