Այսօր Հայաստանի հանրապետական կուսակցութեան գործադիր մարմնի նիստին որոշում կայացուած է ՀՀ վարչապետի պաշտօնին առաջադրել Կարէն Կարապետեանի թեկնածութիւնը: Այդ մասին նիստէն ետք լրագրողներուն յայտնած է ՀՀԿ խմբակցութեան պատգամաւոր Արտակ Զաքարեանը:
Կարէն Կարապետեանը ծնած է 14 օգոստոս 1963-ին, Ստեփանակերտի մէջ: 1980-1985-ին ուսանած է Երեւանի պետական համալսարանէն ներս: 1989-ին Կարապետեանին շնորհւած է տնտեսագիտական գիտութիւններու թեկնածուի կոչում։ 17 գիտական աշխատանքներու հեղինակ է։ 2013 թուականէն «ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ» Խորհուրդի անդամ է, 2010-2011-ին եղած է Երեւանի քաղաքապետ: