6.2c
Երեվան
ուրբ, ապր 17
Եւրոմիութիւնը չի նախատեսեր կանխարգելիչ պատժամիջոցներ կիրառել Մոսկուայի դէմ, սակայն միջոցներ պիտի ձեռնարկէ Ուքրանիոյ վրայ Ռուսաստանի յարձակման պարագային։ Այս մասին յայտարարած է ԵՄ արտաքին յարաբերութիւններու եւ անվտանգութեան քաղաքականութեան հարցերով բարձր ներկայացուցիչ Ժոզեփ Պորել` ելոյթ ունենալով Եւրոխորհրդարանի արտաքին յարաբերութիւններու յանձնաժողովին մէջ։
Արեւմուտքը կը պնդէ, որ ռուսական կողմը մոտ 100-հազարնոց զօրք կուտակած է Ուքրանիոյ սահմանին մօտ կը պատրաստուի ներխուժելու այդ երկիր։ Այդ յառաջացուցած է Ուքրանոյ, ՆԱԹՕ-ի, ԱՄՆ-ի եւ անոր եւրոպացի գործընկերներուն անհանգստութիւնը:
Ռուսաստանը այդ կը հերքէ եւ իր հերթին կը պահանջէ անվտանգութեան երաշխիքներ՝ մասնաւորապէս խոստում առ այն, որ նախկին խորհրդային երկիրները, ընդ որում՝ Ուքրանիան եւ Վրաստանը, չեն անդամակցիր ՆԱԹՕ-ին:
