-2.91c
Երեվան
երկ, դկտ 22
ԱՄՆ Արեւելեան Թեմի (Նստավայրը՝ Նիւ Եորք) Առաջնորդ Հոգշ. Տ. Մեսրոպ վրդ. Պարսամեան կը գրէ ՝
Այս օրերուն Գալիֆորնիոյ նահանգ պիտի գտնուիմ , ուր Սուրբ եւ անմահ պատարագ պիտի մատուցեմ մեր Արեւմտեան քոյր թեմի «մայր սրբավայր»ին՝ Սրբոց Ղեւոնդեանց տաճարին մէջ:
Արեւմտեան թեմի առաջնորդ Գերշ. Տ. Յովնան արք. Տէրտէրեանի սիրալիր հրաւէրով Արեւմտեան ափ պիտի գտնուիմ, ներկայ գտնուելու Հայ Եկեղեցւոյ Ամերիկայի թեմի հիմնադրման 125-ամեակին նուիրուած արարողութեանց։
Ղեւոնդեանց տաճարի մէջ տեղի ունեցող պատարագին ներկայ պիտի ըլլայ նաեւ Գանատայի թեմի առաջնորդ՝ Գերշ. Տ. Աբգար եպս. Յովակիմեանը։ Շաբթուան աւարտին պիտի հանդիպինք քննարկելու համար թեմերու միջեւ հետագայ համագործակցութեան մասին։ Այս շատ կարեւոր տարուան մէջ, բոլոր երեք թեմակալ առաջնորդներուն ներկայութիւնը եւս մեծ նշանակութիւն ունի։
Երբ Մկրտիչ Խրիմեան Կաթողիկոսը ստեղծեց Ամերիկայի թեմը 1898-ին, այն կ՚ընդգրկէր ամբողջ արեւմտեան շրջանը։ Հիւսիսային Ամերիկայի մէջ այն միաւորած էր հայ եկեղեցւոյ բոլոր համայնքները՝ «ծովէն մինչեւ փայլող ծով»: Մենք այժմ ունինք երեք թեմեր, որոնք կը ծառայեն մեր հաւատացեալներուն։ Այս ցուցանիշ է վերջին 125 տարիներու ընթացքին մեր եկեղեցւոյ աճին: Արեւմտեան թեմը 1927-ին դարձաւ առանձին միաւոր. եւ 1984 թուականին անոր միացաւ Գանատայի թեմը։
Այն, ինչ որ սկսաւ Ուորսէսթըր, Մասաչուսեցի մէջ, մէկ եւ քառորդ դար առաջ, ձեռքբերում մըն է Արեւելեան, Արեւմտեան եւ Գանատայի թեմերու բոլոր հաւատացեալներուն կողմէ, եւ այս առիթ է, որ մենք բոլորս միասին տօնակատարենք այս հպարտառիթ տօնը։
