11.09c
Երեվան
երք, մրտ 11
ԱՄՆ Հայ դատի յանձնախումբի իրաւական հարցերու տնօրէն Րաֆֆի Քարաքաշեանը ԱՄՆ քոնկրէսին մէջ հայկական հարցերու խումբի ներկայացուցիչներուն, ինչպէս նաեւ այլ քոնկրէսականներու եւ սենաթորներուն ներկայացուցած է 2017-ի ԱՄՆ կողէ տրամադրուող արտաքին օգնութեան շրջանակներուն մէջ աﬔրիկահայ համայնքի առաջնահերթութիւնները:
Ինչպէս կը տեղեկացուի, քննարկման ընթացքին հայկական հարցին վերաբերեալ յատկացումներուն համար ներկայացուած են 7 հիﬓական առաջարկներ: Առաջարկներէն առաջինը այն էր, որ ԱՄՆ կողմէ ﬕջազգային զարգացման համար յատկացուող գումարներէն 5 ﬕլիոն տոլար տրամադրուի Լեռնային Ղարաբաղին՝ Ստեփանակերտի մէջ պարոնուհի Քոքսի անուան վերականգնողական կեդրոնի զարգացման համար: Այնուհետեւ առաջարկուած է նաեւ լիովին կասեցնել Պաքուին տրամադրուող որեւէ ռազմական օգնութիւն, ﬕնչեւ որ Ազրպէյճանը առաջնագիծէն ետ չքաշէ դիպուկահարներն ու ծանր հրետանիները, եւ՝ չիրականացնի Էնգել-Ռոյս նախագծի ներկայացուած քայլերը: Երրորդ առաջարկը եղած էր 40 ﬕլիոն տոլար տնտեսական օժանդակութիւն տրամադրել Հայաստանին, որ նպատակաուղղուած ըլլայ երկու երկրներու ﬕջեւ առեւտուրի եւ ներդրումային ոլորտներու զարգացման: Բացի այդ, առաջարկուած է յաւելեալ 10 ﬕլիոն տոլար տրամադրել՝ Հայաստանի մէջ գտնուող սուրրիահայերու խնդիրներու լուծման նպատակով:
Առաջարկներէն մէկն ալ առընչուած էր Վրաստանին տրամադրուող օժանդակութեան, որու 10 տոկոսը պիտի տրամադրուի Սամցխէ Ջաւախքի մէջ աշխատատեղերու ստեղծման օգնութեան: Վերջին երկու առաջարկները եղած են` խստացնել 1992-ին Ազատութեան աջակցման աքթի 907 մասը, որ կ'առընչուի ԱՄՆ-ի կողմէ Ազրպէյճանին տրամադրուող օգնութեան արգելման եւ, վերջ դնել ԼՂ հակամարտութեան կարգաւորման բանակցային գործընթացէն Արցախի ժողովուրդի եւ իշխանութիւններու ﬔկուսացման:
