18.09c
Երեվան
չրք, մրտ 12
«Հիմնադիր Խորհրդարան»ի առաջնորդ Ժիրայր Սեֆիլեանի գործով կալանաւորուած Ներսէս Պօղոսեանին պաշտպանը՝ Արայիկ Պապիկեան «MAMUL.am»ի թղթակիցին հետ զրոյցի ընթացքին տեղեկացուցած է, որ 26 օրուան հացադուլէն ետք իր պաշտպանեալը որոշած է նաեւ ջրադուլ յայտարարել:
«Երէկ եմ տեսակցել նրան, փորձեցի համոզել, որ դադարեցնի հացադուլը, բայց ապարդիւն: Բաւականին հիւծուած վիճակում է: Նոյնիսկ երկար չկարողացանք խօսել»,- ըսած է Պապիկեան` աւելցնելով, որ իր պաշտպանեալը կը գտնուի բժիշկներու հսկողութեան տակ: Պաշտպանին խօսքով, միակ ելքը այն է, որ վարոյթ իրականացնող մարմինը սեփական նախաձեռնութեամբ փոխէ խափանման միջոցը՝ չհեռանալու մասին ստորագրութեամբ կամ գրաւի դիմաց ազատ արձակէ:
