14.09c
Երեվան
հնգ, հկտ 15
Ռուսիոյ Արտաքին գործոց նախարար Լաւրով, երէկ Մոսկուայի մէջ տուած մամլոյ ասուլիսի ընթացքին իր յայտարութիւններէն մէկուն մէջ մտահոգութիւն յայտնած է, «նուսրա» ահաբեկչական կազմակերպութեան հանդէպ Ամերիկայի կեցուածքին նկատմամբ: Այս մասին կը գրէ լիբանանեան «Ալ-Ճատիտ»ը:
Ան նկատել տուած է, որ հանելուկային է Ամերիկայի կեցուածքը այս կազմակերպութեան նկատմամբ, մանաւանդ՝ անոր դիրքերը հարուածելէն խուսափումը: «Տարբեր միջոցներ գործի դնելով, կը ջանան խնայել Նուսրան հարուածներէ: Սա լուրջ մտահոգութիւն կ'առաջացնէ: Ամերիկացիներու հետ մեր կապերու ժամանակ միշտ այս հարցը փարձրացուցած ենք, սակայն ոչ մէկ տրամաբանական պատասխան չենք ստացած»,- ըսած է Լաւրով:
Շարունակելով իր խօսքը Լաւրով շեշտած է, որ ակնյայտ է Ամերիկայի հալածանքը Տահէշի դէմ, մինչ Նուսրայի եւ իր մէջ ձուլուած այլ կազմակերպութիւններու դէմ հալածանքի ոչ մէկ ճիգ կը նկատուի:
