21.09c
Երեվան
երկ, հկտ 19
Վերջերս բացայայտուած, Ամերիկեան գաղտնի սպասարկութեան կեդրոնական գործակալութեան (CIA) փաստաթուղթը տարաձայնութիւններու առիթ եղած է: Փաստաթուղթի համաձայն, լրտես մը 1955-ին հաստատած է, որ Ատոլֆ Հիթլէր կրնայ թաքնուած ըլլալ (այդ ժամանակ) Հարաւային Ամերիկայի մէջ:
«Sputnik Brasil» կայքը, յղում ընելով CIA- ի կայքէն, յայտնած է, որ սպասարկութեան լրտեսը, որ կը կրէ «CIMELODY-3» ծածկանունը, տեղեկացուցած է, որ իր հաշւոյն աշխաող եւ տեղեկութիւններ փոխանցող աղբիւրը կապ հաստատած է նախկին նացիստ Ֆիլիպ Սիթրոէնի հետ, որ իր հերթին պնդած է, որ ինք հանդիպած է Հիթլերին հետ՝ պատերազմէն ետք:
Փաստաթուղթը կը նշէ, որ Սիթրոյէնը, որ Dutch Royal Motor ընկերութեան պաշտօնեան էր, Հիթլէրի հետ ամէն ամիս նուազագոյնը մէկ անգամ կապուած է, Մարաքայպոյէն Քոլոմպիա կատարած իր աշխատնքային ճամբորդութիւններու ընթացքին:
Որպէս հաւաստում իր պնդումներուն, Սիթրոէն լրտեսին նկար մը ցոյց տուած է, ուր ինք պատկերուած է Հիթլէրի հետ, 1954-ին, Քոլոմպիական Թոնխա շրջանին մէջ: Այդ նկրէն օրինակ մը կցուած է խնդրայարոյց փաստաթուղթին:
Նախկին նացիստը նաեւ յայտնած է, որ Հիթլէր, այս նկարը առնուելէն մէկ տարի անց, Քոլոմպիայէն Արժանթին անցած է:
