Սուրիա- Երէկ Գամիշլին ցնցած պայթումներուն հետեւանքով զոհուած են 16 անձեր, որոնց 5-ը հայեր են: Այս մասին «Արեւելք» տեղեկութիւն ստացաւ Պէյրութի իր աղբիւրէն: Մեր աղբիւրը նշեց, որ զոհուած հայերը անդամ են Հայ Կաթողիկէ համայնքին: Կը հաղորդուի նաեւ, որ պայթումներուն հետեւանքով կան 35 վիրաւորեալներ, որոնց մէջ կան ծանր պարագաներ: Յայտնենք, որ պայթումները գրանցուած են Գամիշլիի «Մայամի» ճաշարանին մօտ: Նախնական տուեալներով պայթումներուն պատասխանատուութիւնը ստանձնած է Տահէշ ահաբեկչական խմբաւորումը: