-1.91c
Երեվան
շբթ, նմբ 09
Ուքրանիոյ նախագահ Վլատիմիր Զելենսքին յայտարարած է, որ Ուքրանիան եւ Ֆրանսան կը բանակցին ֆրանսական Mirage 2000 բազմանպատակային կործանիչներու մատակարարման շուրջ։ Ան մանրամասներ չէ յայտնած բանակցութիւններու ընթացքի մասին, գրած է kommersant.ru-ն։
«Այո, մենք կը բանակցինք կործանիչներու վերաբերեալ», -ըսած է Զելենսքին՝ ի պատասխան LCI-ի թղթակցի հարցին, թէ ինչ հեռանկարներ կան Mirage 2000-ն Ուքրանիոյ մատակարարելու հարցով:
Փետրուար 16-ին Ուքրանիոյ պաշտպանութեան նախարարութեան հետախուզութեան գլխաւոր վարչութեան ղեկավար Քիրիլ Պուտանովը յայտնած է, որ կը սպասեն ֆրանսական կործանիչներու մատակարարումներուն։
Forbes-ը գրած է, որ Փարիզը կրնայ Քիեւին մատակարարել մօտ 20 միաւոր Mirage 2000, մինչդեռ 2023 թուականի սեպտեմբերին Ուքրանիոյ ռազմաօդային ուժերու խօսնակ Եուրի Իկնաթն ըսած է, որ Mirage 2000-ը հինցած մոտել է, որ ուքրանական բանակին պէտք չէ։
