• 248
• 03/07/2024

Յունաստանի թեմն ունի նոր առաջնորդ. Գերպ. Տ. Սահակ ծ. վրդ. Եմիշեան ընտրուեցաւ առաջնորդ

Օրերս,  ­Յու­նաս­տա­նի ­Հա­յոց ­Թե­մի Ե­րես­փո­խա­նա­կան ար­տա­կարգ ժո­ղովին Յունաստանի Հայոց Թեմի Առաջնորդ ընտրուած է Ամերիկայի Միացեալ Նահանգներու առաջնորդական փոխանորդ՝ Տ. Սահակ Ծ.Վրդ. Եմիշեան:

Այս մասին «Արեւելք» վերահասու դարձաւ Յունաստանի մեր պաշտօնակից՝ «Ազատ օր» պարբերականէն։

Ստորեւ կը ներկայացնենք բարեբաստիկ լուրին մասին լոյս տեսած հաղորդագրութիւնը։

Եր­կու­շաբ­թի 1 ­Յու­լիս 2024-ի ե­րե­կո­յեան ժա­մը 8-ին, ­Ֆիք­սի «Ա­ւե­տի­քեան» սրա­հին մէջ տե­ղի ու­նե­ցաւ ­Յու­նաս­տա­նի ­Հա­յոց ­Թե­մի Ե­րես­փո­խա­նա­կան ար­տա­կարգ ժո­ղով՝ միակ օ­րա­կարգ ու­նե­նա­լով նոր թե­մա­կալ Ա­ռաջ­նոր­դի ընտ­րու­թիւն։

Ա­ռաջ­նոր­դա­կան տե­ղա­պահ Արժ. Տ. ­Պա­րէտ քհնյ. ­Խա­չե­րեան, ժո­ղո­վը բա­ցաւ ­Տէ­րու­նա­կան ա­ղօթ­քով, ա­պա Ե­րես­փո­խա­նա­կան ժո­ղո­վի ա­տե­նա­պետ պրն. Ա­րա ­Ման­կո­յեան անդ­րա­դար­ձաւ ար­տա­կարգ ժո­ղո­վի մա­սին։

­Յա­ջոր­դա­բար ըն­թեր­ցո­ւե­ցաւ ­Մե­ծի ­Տանն ­Կի­լի­կիոյ Ն.Ս.Օ.Տ.Տ. Ա­րամ Ա. ­Կա­թո­ղի­կո­սի յղած 20 ­Յու­նիս 2024 թո­ւա­կիր նա­մա­կը, ըստ ո­րում յա­ջո­ղու­թիւն կը մաղ­թէր ­Թե­միս գե­րա­գոյն ժո­ղո­վին։

Ա­պա կա­տա­րո­ւե­ցաւ Ա­ռաջ­նոր­դի ընտ­րու­թիւ­նը ­Վե­հա­փառ ­Հայ­րա­պե­տի ու­ղար­կած ե­ռա­նուն ցան­կէն ­եւ ձայներու բացարձակ մեծամասնութեամբ Յունաստանի Հայոց Թեմի Առաջնորդ ընտրուեցաւ Ամերիկայի Միացեալ Նահանգներու առաջնորդական փոխանորդ՝ Տ. Սահակ Ծ.Վրդ. Եմիշեան:

Ժո­ղո­վի ա­ւար­տին, դի­ւա­նը շնոր­հա­ւո­րեց նո­րըն­տիր Ա­ռաջ­նորդ ­Հայր ­Սուր­բը եւ բա­րի յա­ջո­ղու­թիւն մաղ­թեց իր նոր պա­տաս­խա­նա­տու պաշ­տօ­նին մէջ: Ս­տո­րեւ կը ներ­կա­յաց­նենք նորըն­տիր Ա­ռաջ­նոր­դի կեն­սագ­րա­կա­նը։

­

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսուիլ