image
Հրատապ լուրեր:

Ըստ հաղորդագրութեան Ռուս խաղաղապահները կը շարունակեն բանակցիլ Ատրպէյճանի հետ

Ըստ հաղորդագրութեան Ռուս խաղաղապահները կը շարունակեն բանակցիլ Ատրպէյճանի հետ

Ռուսիոյ խաղաղապահ զօրախումբը կը շարունակէ Լեռնային Ղարաբաղի մէջ իր առջեւ դրուած խնդիրներու կատարումը: Այս մասին հաղորդագրութիւն տարածած ՌԴ պաշտպանութեան նախարարութիւնը:

Նշուած է, որ ՌԴ խաղաղապահներու կողմէ 30 դիտակէտերու մէջ իրադրութեան շուրջօրեայ վերահսկողութիւն եւ կրակի դադրեցման ռեժիմի պահպանման վերահսկողութիւն կ'իրականացուի:

«Զօրախումբի հրամանատարութիւնը կը շարունակէ բանակցութիւնները հայկական եւ ատրպէյճանական կողմերու հետ՝ Ստեփանակերտ-Գորիս ճանապարհով (Լաչինի միջանցք – խմբ.) փոխադրային միջոցներու երթեւեկութիւնը վերականգնելու հարցով»,-ըսուած է հաղորդագրութեան մէջ:

Պարեկութիւն իրականացուած է Մարտունիի եւ Մարտակերտի շրջաններուն եւ Լաչինի միջանցքին մէջ։

Հաղորդագրութեան մէջ նշուած է նաեւ, որ ՌԴ խաղաղապահները Գորիս – Ստեփանակերտ երթուղիով ուղեկցած են մարդասիրական բեռով շարասիւնը։