11.09c
Երեվան
շբթ, մյս 16
Ամերիկացի Իլոն Մասք, որ Tesla-ի եւ SpaceX-ի ղեկավարն է, գլխաւորած է մոլորակի ամենահարուստ մարդոց ցուցակը: Այս մասին կ'ըսուի Forbes ամսագրի հրապարակած տուեալներուն մէջ:
Մասքի կարողութիւնը կը կազմէ աւելի քան 203,4 միլիառ տոլար: Վարկանիշի երկրորդ հորիզոնականը կը զբաղեցնէ աշխարհի մեծագոյն առցանց մանրածախ առեւտուրի ցանցի՝ Amazon-ի ղեկավար Ճեֆ Պեզոսը` աւելի քան 197 միլիառ տոլարով: Երրորդ տեղն է ֆրանսական LVMH (Louis Vuitton Moet Hennessy) ընկերութիւններու խումբի գործադիր տնօրեն Պեռնար Առնօն, որ վաստակած է 174,9 միլիառ տոլար: Առաջին հնգեակին մէջ են նաեւ Microsoft-ի հիմնադիրներէն Պիլ Կեյթսը, 131 միլիառ տոլարով՝ Facebook-ի ղեկավար Մարք Ցուքերպըրկը, որու կարողութիւնը, ըստ Forbes-ի, գերազանցած է 126 միլիառ տոլարը:
Bloomberg գործակալությունը, իր հերթին, կը գնահատէ Մասքի հաշիւներու ընդհանուր արժէքը աւելի քան 213 միլիառ տոլար: Աշխարհի ամենահարուստ մարդոց ցուցակին մէջ, որ կը կազմէ գործակալութիւնը, Մասքը նոյնպէս կը զբաղեցնէ առաջին հորիզոնականը եւ առաջ է Պեզոսէն:
