23.09c
Երեվան
հնգ, հնս 26
Քանի որ 2022 թուականը կը մօտենայ աւարտին, աշխարհի ամենահարուստ մարդոց վարկանիշին մէջ քիչ փոփոխութիւններ եղած են։ 2022 թուականի դեկտեմբերին Tesla-ի եւ Twitter-ի գործադիր տնօրէն Իլոն Մասքը զիջած է աշխարհի ամենահարուստ մարդու կոչումը մէկ այլ միլիառատիրոջ։
Ո՞վ է ան։ Օգտագործելով Forbes Real Time Billionaires ցուցակի տուեալները՝ GObankingrates-ը կազմած է 2022 թուականի վերջը աշխարհի վեց ամենահարուստ մարդոց ցուցակը։
6․ Պիլ Կէյթց
Ձեռնարկատիրութեան աւագը՝ Պիլ Կէյթցը աշխարհի ամենահարուստ մարդոց ցուցակին վեցերորդն է։ Forbes-ի տուեալներով՝ Կէյթցի կարողութիւնը 103,9 միլիառ տոլար է։ Bloomberg-ի ցուցակով ան քիչ մը աւելի բարձր դիրք կը զբաղցնէ՝ չորրորդ տեղը՝ 109 միլիառ տոլար կարողութեամբ:
20 դեկտեմբերին Կէյթցը տարեվերջեան նամակ հրապարակած է իր անձնական պլոկին՝ GatesNotes-ին մէջ։ Նամակով կ'ուրուագծուին Կէյթցի նախագիծը շարունակելու ծրագիրը, որու համաձայն ան իր միջոցներու մեծ մասը կը տրամադրէ հասարակութեան եւ կլիմայի փոփոխութեան դէմ պայքարին:
Ան ընդունած է ապագային աշխարհի ամենահարուստ մարդոց ցուցակներէն ամբողջովին դուրս գալու հնարաւորութիւնը։
5․ Ուորըն Պաֆեթ
Berkshire Hathaway-ի նախագահ եւ առասպելական ներդրող Ուորըն Պաֆեթ աշխարհի հինգերորդ ամենահարուստ մարդն է։ Պաֆեթի վարկանիշը կը տատանուի՝ կախուած աղբիւրէն: Ըստ Forbes-ին՝ Պաֆեթի կարողութիւնը 106,2 միլիառ տոլար է, եւ ան կը զբաղցնէ հինգերորդ տեղը աշխարհի ամենահարուստ մարդոց ցուցակին վրայ։ Bloomberg-ը Պաֆեթի կարողութիւնը կը գնահատէ 105 միլիառ տոլար, եւ ան կը զբաղցնէ վեցերորդ տեղը:
4․ Ճեֆ Պեզոս
Կախուած ցուցակէն, Amazon-ի հիմնադիր Ճեֆ Պեզոս կրնայ ըլլալ քիչ մը տարբեր եւ սեփական դրամագլուխ ունենալ:
Forbes Real Time Billionaires-ը Պեզոսը կը դասէ չորրորդ տեղը՝ 109,2 միլիառ տոլարով: Պեզոսը Bloomberg-ի միլիառատէրերու ցուցակին հինգերորդն է՝ 108 միլիառ տոլար կարողութեամբ:
3․ Կաութամ Ատանի
Երրորդ տեղը Կաութամ Ատանին է՝ Adan Group-ի հիմնադիրը։ Forbes-ի տուեալներով՝ անոր կարողութիւնը կը կազմէ 128,6 միլիառ տոլար։
Adani Group-ը կը յիշատակուի Bloomberg Billionaires Index-ին մէջ, որպէս Հնդկաստանի խոշորագոյն նաւահանգստային գործարկու: Այն նաեւ Հնդկաստանի ամենամեծ ջերմային ածուխ արտադրողն է եւ ածուխի առեւտուրով զբաղողը: 2022 թուականին Adani Enterprises-ի եկամուտը կազմած է 9,3 միլիառ տոլար:
2․ Իլոն Մասք
2021 թուականի սեպտեմբերէն աշխարհի ամենահարուստ մարդը՝ Tesla-ի եւ Twitter-ի գործադիր տնօրէն Իլոն Մասքը 2022 թուականին աւելի վաղ իջած էր երկրորդ տեղ։ Այժմ Մասքի կարողութիւնը 156,8 միլիառ տոլար է։
Մասքը զրկուած է աշխարհի ամենահարուստ մարդու տիտղոսէն՝ Tesla-ի բաժնետոմսերու արժէքի անկումէն յետոյ։
1․ Պերնար Արնօ
LVMH-ի գլխաւոր տնօրէն Պերնար Արնօն դեկտեմբերին դարձած է աշխարհի ամենահարուստ մարդը։ Արնօն դարձած է առաջին եւրոպացին, որ գլխաւորած է աշխարհի ամենահարուստ մարդոց ցուցակը՝ ըստ Bloomberg-ի։ Forbes-ի տուեալներով՝ Արնոյի կարողութիւնը կը կազմէ 180,2 միլիառ տոլար։
LVMH-ը կը վաճառէ Louis Vuitton ճամպրուկներ, Christian Dior նորաձեւ հագուստ, Tiffany զարդեր եւ Dom Pérignon շամփայն:
