16.09c
Երեվան
հնգ, սպտ 19
«Վերին Լարս» անցակէտի վրացական ուղղութեամբ 12.000 ինքնաշարժ կուտակուած է, այդ շարքին 1000-ը` հայկական: Այս մասին կառավարութեան նիստին յայտարարեց ՀՀ տնտեսութեան նախարար Վահան Քերոբեանը: Ան վստահեցուց, որ այս հարցով շուտով լուծումներ պիտի գտնուեն:
Վարչապետ Նիկոլ Փաշինեանն իր հերթին մտահոգութիւն յայտնեց գիւղատնտեսական ապրանքներու արտահանման աշխոյժ եղանակը սկսելու զուգահեռ լոկիսթիք խնդիրներու կապակցութեամբ: Ան նշեց փոխադրական ենթակառուցուածքներու զարգացման կարեւորութիւնը, այդ շարքին` օդային:
Քերոբեան յայտնեց, որ Յունուարին Հայաստանէն արտահանման աճը 53 տոկոս կազմած է, փետրուարին` 30 տոկոս, իսկ Մարտին` ընդամէնը 4 տոկոս` հաստատելով, որ դժուարութիւնները կապուած են նաեւ լոկիսթիք խնդիրներու հետ: «Մենք աշխատում ենք Հնդկաստանի եւ ԱՄԷ-ի նաւահանգիստներից բեռներն արագօրէն Հայաստանի տարածքով Ռուսաստան վերաուղղելու ուղղութեամբ»,- ընդգծեց ան:
