Վարդանանց տօնը Պաղտատի Ս. Գրիգոր Լուսաւորիչ Մայր եկեղեցւոյ մէջ (Լուսանկարներ)

Վարդանանց տօնը Պաղտատի Ս. Գրիգոր Լուսաւորիչ Մայր եկեղեցւոյ մէջ (Լուսանկարներ)

Օրերս, Սրբոց Վարդանանց Զօրավարաց Տօնին առիթով, Պաղտատի Ս. Գրիգոր Լուսաւորիչ Մայր եկեղեցւոյ մէջ Սուրբ եւ Անմահ Պատարագ մատուցուած է, հանդիսապետութեամբ Իրաքահայ Թեմի բարեխնամ Առաջնորդ՝ Գեր.  Տ. Օշական եպս. Կիւլկիւլեանի։ Ներկայ եղած են նաեւ ՀՄԸՄ-ի սկաուտները։

Այս մասին «Արեւելք» իմացաւ Իրաքի հայոց Առաջնորդարանի տեղեկատուական գրասենեակէն։

Ստորեւ կը ներկայացնենք այս առթիւ առաջնորդարանի դիմատետրեան էջին եղած գրառումը.-

Հանդիսապետութեամբ Իրաքահայ Թեմի բարեխնամ Առաջնորդ՝ Գեր.  Տ. Օշական եպս. Կիւլկիւլեանի, Ուրբաթ, Փետրուարի 9ին, Սրբոց Վարդանանց Զօրավարաց Տօնին առիթով,  Պաղտատի Ս. Գրիգոր Լուսաւորիչ Մայր եկեղեցւոյ մէջ Սուրբ եւ Անմահ Պատարագ մատուցուեցաւ: Պատարագիչն էր  արժ. Տ. Գէորգ քհնյ. Արշակեանը: Այդ առիթով խօսեցած քարոզին մէջ Առաջնորդ Սրբազան Հայրը Կեդրոնացաւ 451 թուականին Վարդանանց Զօրավարաց մղած ճակատամարտի վրայ և ըսաւ."... Աւարայրի ճակատամարտը սովորական պատերազմ ըլլալէ աւելի, անիկա հայ ազգի լինելութեան և ինքնութեան խորհրդանիշն է. Հայ ազգի նկարագիրը..."։ Ապա  Ան շնորհաւորեց և օրհնեց ներկաներէն Վարդան անունը կրողները։ 

Սուրբ պատարագին, ըստ սովորութեան, ներկայ եղան ՀՄԸՄ-ի Սկաուտութիւնը։