12.09c
Երեվան
կրկ, ապր 26
Ուքրանական պատերազմը խնդիրներ ստեղծած է, եւ եթէ տոլարն ու եւրոն այսօր հաւասարած են, կը նշանակէ, այդ խնդիրները Եւրոպայի համար աւելի շատ են, քան ԱՄՆ-ի համար: Այս մասին NEWS.am-ի հետ զրոյցի ժամանակ նշած է «Ազատութիւն» կուսակցութեան ղեկավար, նախկին վարչապետ Հրանդ Բագրատեանը
«Գնաճը Եւրոպայում աւելի շատ է, քան ԱՄՆ-ում: Օրինակ, այս տարուայ առաջին 5 ամսում գնաճը Էսթոնիայում 18 տոկոս է: Եւրոպայի տարբեր երկրներում էլ է տարբեր գնաճը: Պալթեան միւս երկու երկրներում գնաճը 14 տոկոս է: Լեհաստանում ու Գերմանիայում գնաճը արդէն 8-11 տոկոս է, Ֆրանսայում աւելի ցածր է, ԱՄՆ-ում 5-6 տոկոս է: Արդիւնքում եւրոն եկաւ, հաւասարուեց տոլարին: Այս գործընթացը կը շարունակուի եւ ընդամէնը մի քանի շաբաթուայ ընթացքում տոլարն աւելի թանկ կը լինի, քան եւրոն»,-ըսած է ան:
Անդրադառնալով Հայաստանի մէջ առկայ գնաճին, Բագրատեանն ըսած է. «Հայաստանում պարէնային ապրանքների գնաճը 14 տոկոս է: Թէեւ Հայաստանում չպէտք է գնաճ լինէր, ոչ ոք չի բացատրել, թէ ինչու Հայաստանում գնաճ կայ: Այն նախնական բացատրութիւնը, որ ամբողջ աշխարհում գնաճ է, շատ կը ներէք, աշխարհում գնաճ կայ, որովհետեւ իրենց համար կազը թանկացել է, նաւթը թանկացել է, ցորենը թանկացել է, մեզ համար չի թանկացել»:
