3.09c
Երեվան
կրկ, դկտ 07
Միացեալ Նահանգներու նախագահ Տանըլտ Թրամփ սպառնացած է կրճատել Նիւ Եորք քաղաքի դաշնային ֆինանսաւորումը, եթէ դեմոկրատ Զոհրա Մամտանին յաղթէ քաղաքապետի յառաջիկայ ընտրութիւններուն։ Ան իր կողմնակիցներուն կոչ ըրած է քուէարկելու անկախ թեկնածու Էնտրիւ Քուոմոյի օգտին։
«Անկախ անկէ, թէ դուք կ՚ընդունիք Էնտրիւ Քուոմոն թէ ոչ, դուք, իրականութեան մէջ, այլընտրանք չունիք։ Պէտք է քուէարկէք անոր օգտին»,– գրած է Թրամփը իր Truth Social հարթակին էջին։
Ան յայտարարած է, որ եթէ Մամտանին, որուն ան բազմիցս կոչած է «կոմունիստ», յաղթէ, ապա Սպիտակ Տունը, հաւանաբար, պիտի զլանայ քաղաքին տրամադրել դաշնային միջոցներ՝ բացի օրէնքով նախատեսուած նուազագոյն գումարէն։
Քուէարկութիւնը տեղի պիտի ունենայ Նոյեմբեր 4-ին։ Հարցախոյզերու տուեալներով՝ Մամտանի ներկայիս առաջ է Քուոմոյէն եւ Հանրապետական թեկնածու Քուրթիս Սլիվայէն։
