Սուրիա. Իտլիպի մէջ ռուսական յարձակման հետեւանքով սպանուած է 45 ահաբեկիչ

Սուրիա. Իտլիպի մէջ ռուսական յարձակման հետեւանքով սպանուած է 45 ահաբեկիչ

Սուրիոյ Իտլիպ նահանգին մէջ ռուսական օդային հարուածի հետեւանքով սպանուած է «Ժապհէթ ալ-Նուսրա» ահաբեկչական խմբաւորման 45 անդամ: Այս մասին յայտնած է Mehr գործակալութիւնը:

17 Սեպտեմբերին Ռուսիոյ օդատիեզերական ուժերը խմբակային հարուած հասցուցած են Իտլիպ նահանգի Շէյխ Եուսէֆ շրջանին մէջ գտնուող «Ժապհէթ ալ-Նուսրա» ահաբեկչական խմբաւորման կայանին ուղղութեամբ։

Սպանուած ահաբեկիչներն անմիջական մասնակցութիւն ունեցած են սուրիացի զինուորներու եւ խաղաղ բնակիչներու վրայ յարձակումներուն, ինչպէս նաեւ ներթափանցման եւ ահաբեկչական գործողութիւններու նախապատրաստման Իտլիպի մէջ, ըսած է Ռուսիոյ Դաշնութեան Պաշտպանութեան նախարարութեան Հակառակորդներու հաշտեցման կեդրոնի ղեկավարի տեղակալ, զօրավար-մայոր Օլէկ Եկորով։

Աւելին, ահաբեկչական խմբաւորման զինեալները մէկ օրուան մէջ հինգ հրետանային յարձակում գործած էին Սուրիական Իտլիպի ապամագլցումի համար անհրաժեշտ գօտիին վրայ, նշած է Եկորով։