3.09c
Երեվան
երք, մրտ 04
Ռուբէն Վարդանեանի ընտանիքի փաստաբան Ճարետ Կենսըրը X-ի իր էջին կոչ ըրած է ՀՀ իշխանութիւններուն աւելի աշխուժ միանալու Պաքուի բանտերէն գերիներու ազատ արձակման գործին եւ պարզաբանած է, թէ ինչ կրնայ ընել Փաշինեանը:
«Առաջնահերթութիւն յայտարարել գերիներու ազատ արձակումը, հրաւիրել մամուլի ասուլիս, յօդուած գրել առաջատար պարբերականի մէջ։
Հանդիպիլ գերիներու ընտանիքներու հետ, դիմել ԿԽՄԿ-ին եւ ԵԱՀԿ-ին՝ դիտորդներ «դատարաններ»ուղարկելու խնդրանքով։
Կոչ ընել դաշնակից երկիրներուն, որոնք դեսպանատուներ ունին Պաքուի մէջ, իրենց ներկայացուցիչները ուղարկելու «դատարաններ» եւ նոյնիսկ խնդրել Պաքուէն թոյլատրել հայ դիտորդներու մասնակցութիւնը:
Դիմել ԱՄՆ նախագահին եւ արտաքին գործոց նախարարին, Ֆրանսայի եւ ԵՄ առաջնորդներուն:
Շարունակել դատավարութիւնները ՄԱԿ-ի Միջազգային դատարանին եւ ՄԻԵԴ-ի մէջ, պահանջել ՄՔԴ դատախազէն Արցախէն Հայաստան 120,000 հայերու արտաքսման վերաբերեալ հետաքննութիւն սկսիլ:
Դիմել ՄԱԿ-ի գլխաւոր քարտուղարին եւ ՄԱԿ-ի Մարդու իրաւունքներու գերագոյն յանձնակատարին»:
