11.09c
Երեվան
շբթ, ապր 19
Պաքըրգիւղի Տատեան վարժարանէն ներս, օրերս, համայնքային 14 վարժարաններու մասնակցութեամբ մրցաշարք մը տեղի ունեցած է։
Այս մասին «Արեւելք» իմացաւ Պոլսոյ «Նոր Մարմարա»էն, որ մասնաւորապէս կը գրէ՝
2024-2025 ուսումնական տարեշրջանի երկրորդ կիսամեակին Տատեան վարժարանի մէջ խանդավառ եռուզեռ մը տիրեց մարզանքի ոլորտէն ներս։ 14 ազգային վարժարաններու մասնակցութեամբ կազմակերպուեցաւ մրցաշարք մը՝ վոլէյպոլի, եագանթոփի եւ ոտնագնդակի մարզաձեւերուն մէջ։ Մրցավայրը՝ «Եթքին Պէրպէրօղլու» մարզասրահն էր։ Երեք օրուան տեւողութեամբ՝ վարժարաններու սաներ քով քովի եկան եւ հիւրասիրուեցան վարժարանի երդիքին տակ։ Բարերար՝ Եթքին Պէրպէրօղլու, Ալէն Թէքպըչաք, Վազգէն Պարըն եւ Ռոպէր Տատեան ներկայ գտնուեցան մրցումներուն, նաեւ տեղեկութիւններ ստացան Տնօրէնուհի Տիկին Երանուհի Պալճըի կողմէ եւ տեսութիւններ ունեցան Թաղային Խորհուրդի Ատենապետուհի՝ Մարի Եանճըի գլխաւորութեամբ այլ անդամներու հետ։
Մրցաշարքը աւարտին հասաւ հետեւեալ արդիւնքով՝
Եագանթօփ
3րդ Գարակէօզեան եւ Էսաեան վարժարանները,
2րդ Տատեան վարժարան
Յաղթող՝ Եշիլգիւղի Հայոց վարժարան
Ոտնագնդակ
3րդ հանդիսացան Եշիլգիւղի հայոց եւ Էսաեան վարժարանները
2րդ Տատեան վարժարան
Յաղթող Գարակէօզեան վարժարան
Վոլէյպոլ
3րդ Տատեան եւ Լեւոն Վարդուհեան վարժարաններ
2րդ Էսաեան վարժարան
Յաղթող՝ Եշիլգիւղի Հայոց վարժարան
