18.09c
Երեվան
հնգ, սպտ 19
ԱՄՆ արտաքին գործոց նախարար Անթընի Պլինքըն Իսրայէլի պաշտպանութեան նախարար Եոաւ Կալանթի հետ հեռախօսազրոյցին կոչ ըրած է շտապ հրադադար հաստատելու Կազայի հատուածին մէջ։
Այս մասին յայտարարած է ԱՄՆ արտաքին գործոց նախարարութեան մամուլի ծառայութեան ղեկավար Մեթիւ Միլլըրը։
«Արտաքին գործոց նախարարը ընդգծած է Կազայի հատուածին մէջ հրադադարի հասնելու հրատապ անհրաժեշտութիւնը, որ թոյլ կու տայ ազատ արձակել պատանդները, մեծցնել մարդասիրական օգնութիւնը եւ պայմաններ ստեղծել տարածաշրջանային ընդհանուր կայունութեան համար»,-ըսուած է յայտարարութեան մէջ: Ինչպէս Միլլըր նշած է, Պլինքըն Կալանթին ըսած է, որ «մագլցումը չի բխիր կողմերէն ոչ մէկու շահերէն»:
