0.09c
Երեվան
երք, փտր 03
Յունուար 6-ին, Նիկոլ Փաշինեանի կողմէ կազմակերպուած ուխտերթին, ըստ մեր հաշուարկներու, մասնակցած է շուրջ 2,600 քաղաքացի: Այս մասին յայտնած է Armat Media-ն։
«Հաշուարկն իրականացուել է արհեստական բանականութեան յատուկ ծրագրի կիրառմամբ, որը թոյլ է տուել վերլուծել վերջին ժամանակահատուածում իշխանական հաւաքները եւ դրանց մասնակիցներին:
Մասնաւորապէս, ԱԲ ծրագրի օգնութեամբ մասնակիցների թուից մօտ 500-ին հնարաւոր է եղել նոյնականացնել որպէս պարբերաբար քպական միջոցառումներին «մասովկայի» դեր կատարող տարբեր տրամաչափի ՔՊ-ական պաշտօնեաների, եւս շուրջ 500 հոգու`ոստիկանութեան Երեւան քաղաքի եւ մարզային ստորաժանումների աշխատակիցների, մօտ 200 հոգի`ԱԱԾ աշխատակիցների եւ Փաշինեանի եւ միւս պաշտօնեաների անվտանգութեան աշխատակիցների, մօտ 70-ը` ՔՊ-ական եւ այլ պետական պաշտօնեաների ծառայողական մեքենաների վարորդներ: Ուխտերթին մասնակցում էին նաեւ Խաչատուր Սուքիասեանին պատկանող ընկերութիւնների աշխատակիցներ: Քայլերթին մասնակցած եւ շրջաններից բերուած հասարակ ժողովրդի թուաքանակը, ըստ հաշուարկի, կազմել է մօտ 1,000 քաղաքացի:
Միեւնոյն ժամանակ, փաշինեանական «ուխտերթին» զուգահեռ հանրապետութեան եւ Սփիւռքի հարիւրաւոր եկեղեցիներում մատուցուած Սուրբ Ծննդեան պատարագներին, որոնք ընթացել են ըստ ընդունուած արարողակարգի եւ որի ընթացքում չի զեղչուել Հայոց Հայրապետի անունը, մասնակցել է նուազագոյնը 200,000 հաւատաւոր:
Ահա այսպէս է այսօրուայ Սուրբ Ծննդեան պատարագին մասնակցած քաղաքացիների ընդհանուր թուի 0.5 տոկոսը կազմող ագրեսիւ փոքրամասնութիւնը ուզում «բարենորոգել» եկեղեցին»:
