Իրանի Իսլամական յեղափոխութեան առաջնորդ այաթոլլա Սէյիտ Ալի Խամենէիի աւագ խորհրդականը յայտարարած է, որ պաղեստինցիներու յաջող լայնածաւալ գործողութիւնը Իսրայէլի դէմ հաստատ պիտի արագցնէ «ռեժիմի» փլուզումը։ Այս մասին գրած է Mehr-ը:
Ալի Աքպար Վելայաթին, որ նաեւ Իսլամական Զարթօնքի Համաշխարհային Վեհաժողովի գլխաւոր քարտուղարն է, այս յայտարարութիւնն ըրած է Պաղեստինի դիմադրութեան շարժման քաղաքական բիւրոյի ղեկավար Իսմայիլ Հանիէին եւ Իսլամական ճիհատ շարժման քարտուղար Զիատ ալ Նախալեհին ուղղուած ուղերձին մէջ։
«Ահաբեկչական սիոնիստական ռեժիմի տիրապետութեան եւ բռնակալութեան դարաշրջանն աւարտած է»,-ըսած է Վելայաթին։
Ան աւելցուցած է, որ բռնագրաւուած տարածքներու մէջ ընթացող զարգացումները Պաղեստինի մէջ իսլամական դիմադրութեան ճակատի հզօրութեան առայժմ նուազ դրսեւորումն են։
Իրանցի բարձրաստիճան պաշտօնեան ըսած է, որ Պաղեստինի այս գործողութիւնը պատասխան է բռնագրաւուած տարածքներու մէջ Իսրայէլի մշտական յանցագործութիւններուն: